💰💸 பணம் 💸💰

உன் மதிப்பை நீயுணர
உன்னில் அவன் உள்ளானா ?
பிறப்பு முதல் இறப்பு வரை
அவனின்றி வாழும் நிலை நமக்கு
காற்று , நீர் , உணவு இன்றி
இருப்பது இயலாது என்பர்
அறிவியல் கூற்று உண்மை தான்
தற்போது அவனின்றி இருப்பதும்
இயலாதயொன்று தான்
அவனே உலகில் முதன்மை
அவனிருக்க முதுமையும் இளமை
தீமை நன்மை பாகுபாடு அறியா
புன்னகை பூத்திடுவான்
நல்லோர் , தீயோர் பார்க்காது
தவழும் குழந்தையவன்
அவனை சேமிக்க ஆயுள் போதாது
ஆயுள் இருந்தாலும் ஆசை அடங்காது
மெத்தை முழுதும் அவனிருந்தாலும்
நித்திரை தர மாட்டான்
நித்திரை இருக்கும் வீட்டில்
நித்தமும் புழுங்க மாட்டான்
மாயாஜால வித்தைக்காரன்
மர்மங்கள் செய்திடுவான்
சொந்தங்களை பிரித்துடுவான்
முகமறியா மனிதனையும்
சொந்தமாக்குவன்
பாதாளம் வரை சென்றாலும்
பாதகமாக அழைத்து செல்வான்
அவனே பணமெனும் மாயாவி .
                                -- பிரவீணா தங்கராஜ்