பணிப்பெண்

மிக பிடித்த வண்ணங்கள் கொண்ட
ஆடைகளை பரப்பி
மெல்ல மெல்ல தொட்டு
பார்த்து பார்த்து ரசித்து
விலைப்பட்டியல் போடுமிடத்திற்கு
அனுப்பிவைத்தாயிற்று
இனி அடுத்த வாடிக்கையாளர்
வரும் வரை கலைந்த புத்தாடையை
தன் தோளில் பின் குத்தியே
கிழிச்சலை அடைந்த நிறமிழந்தயாடையை 
மறைத்த படி மடித்து வைத்து
சில ஏக்கத்தையும் வறுமையையும் புதைத்தே
அடுத்த வண்ணயாடையை 
எடுத்துக் காட்ட தயாரானாள் பணிப்பெண்.
                               -- பிரவீணா தங்கராஜ் .