👅 நாக்கு👅

அரையடி யுருவம் நீ ...
ஆறடியை விழுங்கும் மாயம் நீ ...
அமிர்தமாய் பேசிய நொடி
நஞ்சாகவும் மாறிடும் ஜாலமும் நீ ...
நொடிப்பொழுது மாறிடும்  உனக்கு
அறுசுவை அறியும் பிராப்தம் தான்
குழந்தை மனம் கொண்டு
குழைவாய் பேசிடுவாய் ...
கயவர்கள் கண்டு எதிர்க்க
அரணாய் காத்திடுவாய் ...
எடுத்துதெறிந்து பேசிட
எங்கு தான் கற்றாயோ ...?
எண்ணிலடங்கா ரணங்களை
சொற்களில் வைத்தாயோ ...
சாட்டையாய் சுழற்றியடிக்கும் வித்தை
சாகசம் தான் உன் சிறுயுருவில்
அனலாய் கொட்டிய வார்த்தை
அள்ளிட முடியாது
சிறு இதயம் துடிக்கும் சத்தம்
உன்னில் சொல்லவில்லையா ?
கூர் வாள் பேச்சு வேண்டாமே
கூடுதல் ஆயுளுக்கும் மகிழ்ச்சிக்கும்
குறைவுப் பேச்சு போதுமே .
                            --பிரவீணா தங்கராஜ் .