👽வேற்று கிரகத்தில் ஒரு நாள்👽

அமைதி தேடி அழ மூச்செடுத்து
அசைந்தாடும் ஊஞ்சலிலே
வேம்பு மரத்தடியில் ஆடுகையிலே
ஆகாய மேலிருந்து
வெள்ளி தட்டொன்று பறந்து வர
விழியிடுக்கி கண்டு வியந்தேன்
அருகே வர வர அது பெரிதானது
அக்கணம் உணர்ந்தேன்
அது பறக்கும் தட்டென்று
வாயில் பசைப்போல பேச்சற்று நிற்கையிலே
உள்ளே செல்ல உள்மனம் உந்தியது
மெல்ல நடந்தே உள்ளே செல்ல
மேலே எழும்பி 'ஜிவ்'வென பறந்தது
யாருமில்லையாயென சுற்றி முற்றி பார்க்கையிலே
புருவமில்லா ஒற்றை விழியொன்று
இருபக்க பட்டாம்பூச்சி கொடுக்கு நீட்டி
பாதரச நிறத்தையொத்த
உருவமொன்று அருகே நின்றது
குறுந்தகட்டின் கீச்சு குரலில்
புரியா மொழியில் ஏதோ சொல்ல
விழிபிதுங்கி நின்றேன் நானும்
பதட்டம் வேண்டாம் பாதகம் செய்யும்
மனித ரகமில்லை யென்றது தேன்தமிழில்
தமிழ் கேட்டு முகம் மலர்ந்தேன்
'பாதகம் செய்யும் மனிதரகமில்லை' யென்ற
வார்த்தையில் அகம் சுணக்கம் அடைந்தேன்
உணவு உண்ணாது தலை சுற்றல் நிகழ
மூன்று கையுடைய கிரகவாசி
மாத்திரையும் கருப்பு நிற பானத்தையும்
தயங்கிய பெற்று உண்டு முடித்தேன்
அட்டைப்பெட்டியாய் தொங்க விடப்பட்ட வீடு
அங்கே நீரில்லை நிலமில்லை
எங்கு நோக்கினும் பசுமையில்லை
ஒருவித இயந்திரத்தனம் சுற்றிலும்
நான் ஆசையாய் ஏறி வந்ததாய் நினைத்தவர்களுக்கு
என் முக அவஸ்தையில் புரிந்துப் போனது
மீண்டும் நிலம் நோக்கி பயணிக்க
மின்விசை பொத்தானை அழுத்தியது ஒற்றை கண்
இறங்கும் தருவாயில் இணக்கமாய் சொன்னது
உங்கள் உலகம் அழகானது
விலை மதிப்பில்லாதது
அழிக்காதீர் ... அழிக்க வீடாதீர்கள் என்று சொல்லியே
வேற்று கிரகவாசி தோள் தட்டி மறைந்தே சென்றது .
                      -- பிரவீணா தங்கராஜ் .